GoGo Blog

Таныг шинэ жилийн үдэшлэгт Урьж байна

http://bloggers.blog.gogo.mn — Mon, 14 Dec 2009 11:25:28 ULAT

Ширхэглэн хаялах цасан ширхэг гудамж талбайг гэрэлтүүлж
Шинэ он, шинэ жил хаяанд ирлээ.
Чимэглэн гоёсон ногоон гацуурханыхаа дэргэд
Амттан дүүрэн ширээгээ тойрон
Айлчлан ирж буй шинээ оноо
Хайртай, дотно найз блогчидтойгоо сэтгэл догдлуулсан 12 сарын 19-ны үдшийг
Мартагдахааргүй сайхан өнгөрүүлцгээе...

Шинэ жилийн үдэшлэг маань

Хэзээ: 2009 оны 12 сарын 19нд, 17:00 цагт

Хаана: Бөмбөгөр худалдааны төвийн зүүн талд байрлах "Хар Хорин" ресторан

Такс: 1 хүн 35.000 төгрөг

Хувцаслалт: Дур булаам, Секси

Үдэшлэгийн хэлбэр: Босоо

Хамрагдах хүрээ: Та аль ч блог сайт дээр блог бичдэг байж болох бөгөөд Энэхүү Шинэ жилийн үдэшлэгт оролцохыг хүссэн блоггер бүрт нээлттэй.

Урилгаа доорхи утсаар холбогдож авна уу.

Утас: 99167622

Энэхүү "Шинэ Жилийн Үдэшлэг" маань хэзээ ч мартагдашгүй сайхан болох учраас Залуусаа ирээд үз, үзээд мэдэр!!

Бүгдэд нь санамж

1. Урилгаа хараахан авч амжаагүй байгаа блоггерууд яаралтай урилгаа аваарай. Цаана чинь Шинэ он айсуй. Шинэ жилийн үдэшлэгээсээ хоцрох вий дээ...

Насанд хүрэгчдийн дунд ″Өнөөгийн Монгол” сэдвээр блог нийтлэл, богино өгүүллэгийн уралдаан зарлаж байна

http://bloggers.blog.gogo.mn — Sat, 12 Sep 2009 17:17:27 ULAST

“Мэдээллийн Технологийн Үндэсний Парк”, “Монголын Блогчдын Холбоо”, “www.monkey.mn” сайт хамтран 2009 оны 9 сарын 10-наас 9 сарын 30-ны өдрүүдэд “Өнөөгийн Монгол” сэдвээр насанд хүрэгчдийн дунд блог нийтлэл, богино өгүүллэгийн уралдаан зарлаж байна.

Тус уралдааны гол зорилго нь өнөөгийн Монголын нийгэмд оршиж буй ямар ч асуудлуудыг хөндсөн, орчин үеийн оюуны цангааг тайлахуйц сод бүтээл, шилдэг блог нийтлэл, богино өгүүллэгийг төрүүлэн олон нийтийн хүртээл болгоход оршино.

______________________________________________________________________
Мэдээллийн ивээн тэтгэгч нар:

Ивээн тэтгэгч:

______________________________________________________________________

“Өнөөгийн Монгол” сэдэвт богино өгүүллэг, блог нийтлэлийн уралдааны журам

1. Уралдаанд бүтээл ирүүлэгч нь аль ч улсад амьдардаг байж болох бөгөөд насанд хүрсэн байна.

2. Бүтээл нь богино өгүүллэг эсвэл нийтлэл байх бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, ямар нэгэн ил далд сурталчилгаа хийхгүй, айлган сүрдүүлэхгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “Өнөөгийн Монгол” ангилалыг сонгож нийтэлнэ.

5. Уралдаанд ирсэн бүтээлүүдийг нэрт сэтгүүлч, шог зохиолч А. Амарсайхан, нэрт сэтгүүлч, судлаач Б. Галаарид, нэрт сэтгүүлч, шинжээч Д. Цэрэнжав нар болон нийт уншигчид, хандагчид маань шүүх юм.

6. Уралдаанд ирэх бүтээлүүдийг 2009 оны 09 сарын 25-ны өдрийн 24.00 цаг хүртэл хүлээж авах бөгөөд хугацаанаас хэтэрсэн тохиолдолд хүлээж авахгүй.

7. Уралдаан 3 байр шалгаруулж дүгнэнэ.

I байр- Өргөмжлөл, www.monkey.mn сайтад 200.000 төгрөгийн баннер байрлуулах эрх, “Праксис” ХХК-аар Хятад улсын аль ч сургуульд үнэгүй зуучлуулах шагнал (зөвхөн сургалтын төлбөр шаардагдана), Ивээн тэтгэгчийн шагнал

II байр- Өргөмжлөл, www.monkey.mn сайтад 150.000 төгрөгийн баннер байрлуулах эрх, Ивээн тэтгэгчийн шагнал

III байр- Өргөмжлөл, www.monkey.mn сайтад 100.000 төгрөгийн баннер байрлуулах эрх

8. Тус уралдааны шагналыг 2009 оны 10 сарын 02-ны өдөр Монгол улсад Мэдээлэл Шуудан Харилцаа Холбооны салбар үүсч хөгжсөний 88 жилийн ойн арга хэмжээний хүрээнд Мэдээллийн Технологийн Үндэсний Парк дээр зохион байгуулагдах “Блог бидний амьдралд” өдөрлөг дээр шалгаруулж гардуулна.

9. Уралдаанд ирсэн бүтээлүүдийг зохион байгуулагч байгууллагууд эзэмших, хэвлэн нийтэлж олон нийтийн хүртээл болгох эрхтэй.
_______________________________________________________________________
Жич: Тус уралдааныг ивээн тэтгэх боломж бүх албан байгууллага, хувь хүмүүст нээлттэй бөгөөд Монгол хүний оюуны бүтээл төрүүлэх боломжийг олгож тус уралдааны ивээн тэтгэгчээр хамтарч ажиллахыг урьж байна.

Бид нийтлэлийн уралдаанаа төрөл бүрийн хэвлэл мэдээллийн хэрэгслэлүүдээр сурталчлахдаа ивээн тэтгэгчийнхээ сурталчилгааг боломжит бүх хувилбараар хийж алдаршуулах болно.
_______________________________________________________________________

Мэдээллийн Технологийн Үндэсний Парк
Монголын Блогчдын Холбоо
Монки Контент ХХК

Доржсүрэн овогтой Хишигт хүүд туслацгаая найзуудаа

http://bloggers.blog.gogo.mn — Thu, 23 Apr 2009 17:15:12 ULAST

Доржсүрэн овогтой Хишигт хүү минь 13 настай. Аав, ээжийнхээ нар нь болж инээд хөөрөөр цалгиаж явсан хүү минь нэг л өдөр аймшигт өвчнөөр өвдөж айдас түгшүүр авч ирлээ...

Хүү минь 2009 оны 3 сард Эх Нялхасны Эрдэм Шинжилгээний Төвийн Цусны Эмгэг Судлалын тасагт хэвтэж эмчлүүлсэн боловч нарийн шинжилгээ хийлгэж онош тодруулах шаардлагатай гэж эмч нарын зөвлөсний дагуу Япон улсын “Нагоно Кенрицу” хүүхдийн эмнэлэгт ирж 2009 оны 4-р сарын 2 нд шинжилгээ хийлгэхэд цусны хорт хавдрын маш хүнд хэлбэрийн онош тодорлоо.

Миний хүүгийн биеийн байдал маш хүнд байгаа бөгөөд Монголд Улсад эмчлэх боломжгүй ясны чөмөг солих эмчилгээ хийлгэх болсон учраас эмчилгээний зардалд 200 сая төгрөг шаардлагтай болохыг Японы “Нагона Кенрицу” хүүхдийн эмнэлэг бидэнд мэдэгдсэн билээ.

“ Хөөр баяраар бялхаж, сурч мэдэхийн их оргил руу тэмүүлж яваа насандаа цусны хорт хавдраар өвчилсөн хүүгийн минь амь насыг аврахад сайн санаатай, сайхан сэтгэлтэй хүмүүс минь тусалж амьдрал хайрлаач!” гэж Япон улсын хүүхдийн эмнэлгээс бид та бүхэнд хандаж байна.

Миний хүү Монгол Улсын Ерөнхий Боловсролын сургуулийн 1 дүгээр дунд сургуулийн математикийн гүнзгийрүүлсэн сургалттай 7-Д ангид суралцдаг юм.

Миний хүү тоо бодож зураг зурах дуртай.

Хүү минь математикийн удаа дараагийн тэмцээн, олимпиадад 30 гаруй удаа оролцож, алт, мөнгө, хүрэл, медаль 23-ыг авч сургууль хамт олныхоо нэр хүндийг өндөрт өргөж ирсэн

Одоо Япон улсын “Нагона Кенрицу” хүүхдийн эмнэлэгт хүүгээ сахиад, хүүгээ эрүүл саруул болгохын төлөө сэтгэлийн хүнд бэрхийг туулж сууна. Та бүхнийг бидэнд туслана гэдэгт гүнээ итгэж байна.

МОНГОЛ УЛС, УБ ХОТ, ХААН БАНК:

ХАНДИВЫН ДАНСНЫ ДУГААР: 575 335 615-8 /Төгрөгийн данс/

575 335 666 8 /Долларын данс/
Япон: NAGANO GINKO HOTAKA SHITEN FUTSU KOUZA 8426357
HISHIGT KUN NO KAI
АНУ: CHASE банкны данс: 708 520 861

Холбоо барих утас:
99009110 /эгч В.Нандинцэцэг/
99842271 /эгч С.Хишигтогтох/
+81-(0)90 - 9822 - 7824 /аав Р.Доржсүрэн/

EMAIL: skhishgee@yahoo.com kndj143@yahoo.com

Сайхан сэтгэлт хүмүүс та бүхэнд эрүүл энхийг хүсье.

Сайн үйлс бүхэн дэлгэрэх болтугай

Хүүгийнхээ төлөө бичсэн:

Аав Р.Доржсүрэн

Ээж С.Жавзандулам

МТҮП ба Монголын Блогчдын Холбооны уулзалт

http://bloggers.blog.gogo.mn — Thu, 9 Apr 2009 17:53:41 ULAST

Удаан хугацааны дараа нийт дэмжигч блогчдынхоо энэ өдрийн амар амгаланг айлтган мэндчилж байгаадаа бид баяртай байна.
Энэ удаад бид нэгэн чухал уулзалтын талаар та бүхэндээ товч мэдээлэл хүргэж байна.

2009 оны 4-р сарын 9-ний өдөр "Мэдээллийн Технологийн Үндэсний Парк"-ийн Ерөнхий Захирал Ё. Сүхбаатарын хүсэлтээр МТҮП талаас тус Паркийн захирал Ё. Сүхбаатар, Инкубаторын Албаны дарга, "Монголын Блогчдын Холбоо"-ны удирдах зөвлөлийн гишүүн С. Эрдэнэбат (Erkardo санаачлагч) нөгөө талаас "Монголын Блогчдын Холбоо"-ны Ерөнхийлөгч Б. Батхүү (3apaa), Удирдах зөвлөлийн дарга А. Амарсайхан (Amarsaikhan), Удирдах зөвлөлийн гишүүн Я. Баярбаатар (Stormy) нар МТҮП-д очиж уулзалт хийж хамтын ажиллагааны тухай санал бодлоо солилцов.

Тус уулзалтаар Мэдээлэл, Харилцаа Холбоо, Технологийн салбар үүсэн байгуулагдсаны 88 жилийн ойг тэмдэглэн өнгөрүүлэх ажлын хүрээнд "Мэдээллийн Технологийн Үндэсний Парк", "Монголын Блогчдын Холбоо"-той хамтарч хэрэгжүүлж болох ажлуудын боломжит хувилбаруудыг хэлэлцэж хамтарч ажиллахаар тохиролцсоноо баяртайгаар мэдэгдэж байна. Бидний хамтын ажиллагаа зөвхөн Мэдээлэл, Харилцаа Холбоо, Технологийн салбар үүсэн байгуулагдсаны 88 жилийн ойг тэмдэглэн өнгөрүүлэх хүрээгээр хязгаарлагдахгүй цаашид ч хамтран ажиллах боломжтой гэж Ё. Сүхбаатар захирал хэлсэн.

Хоёр байгууллага хамтын ажиллагааны хүрээнд тус тусын үйл ажиллагааг дэмжиж ажиллахдаа аль нэгэн улс төрийн хүчинд үйлчлэхгүй.

МТҮП өөрийн нөөц бололцоо болох уулзалтын танхим, техник тоног төхөөрөмж, интернэт болон бусад талаар бидний зохион байгуулах ямарваа нэгэн ажлуудыг дэмжихээ илэрхийлсэн нь бидний үйл ажиллагаанд илт сайнаар нөлөөлөхүйц үйл явдал боллоо гэж дүгнэж байна. Бид лекц, уулзалт болон олон нийтийг хамарсан бусад сонирхолтой үйл ажиллагаануудыг зохион байгуулахад саадгүй боллоо гэсэн үг юм.

"Монголын Блогчдын Холбоо", "Мэдээллийн Технологийн Үндэсний Парк"-тай хамтран ажиллах боломжид тулгуурлан зохион байгуулж болох үйл ажиллагааны санал хүлээн авч байна.

SOS!!!-2

http://bloggers.blog.gogo.mn — Fri, 6 Feb 2009 10:58:08 ULAT

Эрхэм уншигч танд энэ өдрийн мэндийг хүргэе!

Монголын Блогчдын Холбооны зорилгод хүмүүнлэг буяны ажил голлох үүрэг гүйцэтгэдгийг энэ ялдамд дуулгах хэрэгтэй болов уу? Энэ зорилгод бид чадах бүхнээ хийн хүрэхийг эрмэлздэгийг та бүхэн анзаарсан буй заа.

Өнөөдөр бидэнд нэн чухал ажилд гар, бие, сэтгэлээрээ оролцох шаардлага гараад байгааг дуулгамаар байна.

Номуун хэмээх хөөрхөн охинд бидний чин сэтгэлийн тусламж тун яаралтай хэрэгтэй болсон байна. Номуунаа маань ээж аав, эмээ өвөө, ах эгч нарын баяр баясал гэрэл гэгээ. Энэхэн бяцхан Монгол охиныг хэлж ирдэггүй хийсч ирдэг хүнд өвчин зовоож байгаа нь сэтгэлийг шаналган өрөвч сэтгэлийн утсыг хөндлөө.

Тэрээр одоо ээж аавынхаа хамт эмчилгээ хийлгэхээр алс харийн улсыг зорисон бөгөөд урт хугацааны турш хийж чадахгүй байсан өвчний оношыг Тайландын Бумрунград Хоспитал-ын эмч нар тодруулжээ. Номуунаа охины цээжинд нь маш том хавдар илэрсэн бөгөөд тэр нь цааш нуруу нугасны мэдрэлийн судсыг ороож дарсан тул охин бүсэлхийнээсээ доош мэдээ алдах өндөр магадлалтай байгаа юм байна. Энэ нь хөлөө хөдөлгөх, өтгөн шингэнээ хянах чадваргүй болох үр дагаварт хүргэх аюултай юм.

Одоогийн байдлаар Номуунд 4 сар үргэлжлэх химийн эмчилгээ хийгдэж байгаа бөгөөд энэ нь хавдрыг нь агшаах зорилготой юм. Эмчилгээний үр дүнгээс шалтгаалан хагалгаа хийгдэх магадлалтай. Статистикийн мэдээллээс харахад нейробластома хавдартай 1-ээс доош насны хүүхдийн эмчлэгдэх магадлал түүнээс дээш насны хүүхдийнхээс 30-35% илүү байдаг байна. Энэ нь Номууныг эдгэрүүлэх их найдвар байгаа бөгөөд бүхий л сэтгэл зүрхнээсээ тусалж дэмжихийг хичээж байна.

Эрхэм уншигч буян сэтгэлт таныг цөөхөн Монголчуудынхаа нэгэн эс бяцхан Номуун охинд тусламжийн гараа сунган туслана уу хэмээн чин сэтгэлээсээ хүсэх байна.

Монголын Блогчдын Холбоо 2009 оны 01 сарын 09-ний өдөр Голомт банкинд хандивын данс нээлээ. Байгууллагын бус хувь хүний хандивын данс нээлгэхээс өөр боломж байгаагүй гэдгийг мэдэгдмээр байна.

Голомт банк

Хүлээн авагч: Б.Батхүү

Төгрөгийн:1501168040
Валютын: 1501168052 хандивын данс нээлээ.

Тус хандивын данс өмнөх үйл ажиллагааны нэгэн адил хоёр хүний гарын үсгээр (3apaa-Б.Батхүү Регистр: ХБ74081671, Stormy-Я.Баярбаатар Регисрт: ХВ79011818) баталгаажуулагдан зардал гаргах бөгөөд тус дансны мэдээллийг цаг тухайд нь энэ блогт мэдээллэж байх болно.

Тус дансанд Монголын Блогчдын Холбооноос 10.000 төгрөг, 10 ам.доллар хандивласнаар SOS!!!-2 хүмүүнлэгийн аяныг эхлүүллээ.

Өмнөх сайн үйлсийн ажлын туршлагын дагуу хандив цуглуулж хүрэх ёстой эзэнд нь хүргэх болно. Бидний өмнөх буяны ажилд итгэж хандив өргөсөн нөхөддөө гүнээ талархал илэрхийлж байна.

ЦАСАНДАА

http://bloggers.blog.gogo.mn — Fri, 23 Jan 2009 22:54:00 ULAT

За маргааш өглөө 9 цаг 30 минутад Бөмбөгөрийн хажууд цуглараад Санзайн зүг хөлгийн жолооо залнаа.

Хонох хүмүүс 12 000, өдрөөр явах хүмүүс 7000 төгрөгөө бариад, бас цагаа бариад ирцгээрэй. Гол нь явна гээд бүртгүүлсэн байгаа хүмүүсийн өмнөөс мөнгийг нь тооцоод гаргаад юмаа авчихаж байгаа тул заавал ирээрэй.

Олон олон нөхөрсөг тэмцээнүүд зохиогдож том том бэлгүүд байгаа шүү. Нэг нууц задлахад Зохиолч Блоогчин Sienna маань нэг тэмцээний шагналыг өөрийн удахгүй хэвлэгдэн гарах "Хайрын төлөөх тэмцэл" номыг бэлэглэж ивээн тэтгэж байгаа шүү.

1. 1-р сард Төрсөн өдөр нь тохиож буй блоогчидын ёсолгоо цасны баяр дээр болно.

2. Хоолоо мартав.

3. Араас очиж болно.

Bloggers Snow Day

http://bloggers.blog.gogo.mn — Wed, 7 Jan 2009 11:52:37 ULAT

Bloggers Snow Day

За эрхэм блоогчидоо та бүхэнд цасан аялалыг санал болгож байна. Шинэ оны эрч хүчээ олж ирэхээр 1-р сарын 24-ны Бямба гаригт хөдөлцгөөе.

Зорилго: Амралтын ганц өдрөө хотын түнэр утаанаас хол эрүүл агаарт биеийн тамир, спортоор хичээллээд ирцгээе!!!

Бидний блоогчин нөхөд гарнаас / гар ч гэждээ ганц нэг хуруунаас/өөр хөдөлдөг эрхтэн бараг байхгүй болсон тул ингэж явах нь та бидний эрүүл мэндэд ихэд тустай билээ.

Бүртгүүлэх: Тус өдрийг хүртэл блоогоор коммент хэлбэрээр саналаа шидэлцээд бүртгүүлнэ.

Хэрхэн явах: Хэрхэн өдрийг өнгөрөөх талаар 3 санал байна.

1-рт: Тухайн явах өглөө эрт хүн бүр өөр өөрсдөө бэлтгэсэн хоолтой дээр нь нэмээд 5 000 төгрөгтэй ирэх. /5 000 энэ хэлбэлзэж магадгүй л юм. / Илүү авчирсан 5 000 төгрөгөндөө юу авахаа мэдэж байгаа биздээ. Бүгдээрээ нийтийн тээвэрт суугаад Гачуурт, Богдын аль нэг тийшээ явж өдрийг хөдөө өнгөрөөх боломжтой. Оройдоо эргэж ирнэ.

2-рт нь мөн л бэлтгэсэн хоолтойгоо аль нэг амралтын газар очоод өдөржин дуртай дуртайгаа хийгээд орой нь цэвэр агаарт тэндээ хоноод маргааш ирэх. Энэ хувилбараар явахад дор хаяж л 15 000 хавьцаа гарах байлгүй дээ. Аль хувилбараар явах вэ гэдгээ сонгочихвол зардлын тооцоогоо нарийвчилан гаргана.

3-рт /дэмжигдээгүй тул шууд хасав./

Эрхэм блогчин та бүхэнд аль хувилбар нь таалагдаж байна даа.

Цуглараад цугаараа өдөржингөө цасан дээр гэвтнүү, цаасан дээр сууна уу, хүүхэн эргүүлнүү, хүнд хандарна уу, цасаар угаана уу, цанаар гулгануу та нарын л дур.

Тэгж тэгж хоолоо идэх болохоороо харин ч нэг бөөнөөрөө сууж байгаад хэрэлдэж уралдалгүйхэн шиг хуваагаад идэж уучихна шүү дээ.

Оройдоо нэг иймэрхүү болцон байж магадгүй л юм.

Блогчдын Шинэ жил болох газрын хаяг

http://bloggers.blog.gogo.mn — Fri, 19 Dec 2008 17:13:22 ULAT

Шинэ жил болох газрын байршлыг орууллаа. Маргааш 19.00 цагаас болно.

Зурган дээр үзүүлсэн ногооноор дөрвөлжилсөн байшингийн (Уг барилга нь гаднаа "Кара рокестор" гэсэн хаягтай шүү.) ертөнцийн зүгээр урд талаас нь орно. 2 давхарт гарахад "Марселль" гэж нэртэй газар байгаа.

Нийтлэсэн анимэ. Тодруулах зүйл байвал сэтгэгдэл үлдээгээрэй.

Бүх блогчдын Сүлд модны наадмын арга хэмжээний хөтөлбөр

http://bloggers.blog.gogo.mn — Thu, 18 Dec 2008 10:24:00 ULAT

Хөтөлбөр

1. Нээлтийн ажиллагаа

А.Амарсайхан, Б.Батхүү нар нээж үг хэлнэ

2. Блогчдын шинэ жилийн арга хэмжээнд зориулж "Булсара" хамтлаг мэндчилгээ дэвшүүлнэ.

3. Блогчдын холбооны үйл ажиллагааны талаар товч мэдээлэл

4. Блог сайтуудын мэндчилгээ

5. Бүжиг

6. Хонжворт сугалаа

7. Дуудлага худалдаа

8. Бүжиг

9. "Гурван охин" хамтлагийн мэндчилгээ

10. Үдшийн ханхүү, гүнжийг шалгаруулах /шилдэг маск шалгаруулах/

11. Хөгжөөнт тоглоом

12. Блогчдын шинэ жилийн арга хэмжээнд "Эрчим" хамтлаг мэндчилгээ дэвшүүлнэ

13. Бүжиг

Блог сайтуудын мэндчилгээ нь шинэ жилд оролцогчдыг хамарсан арга хэмжээ болон урлагийн бүх төрлийн үзүүлбэр байж болно. Оролцож байгаа блог сайтууд бүгд ямар нэгэн мэндчилгээ дэвшүүлээрэй.

Блогчдын шинэ жилийн арга хэмжээнд оролцох хүсэлтэй блогчин та яараарай. Учир нь тун цөөн тооны ТАХ үлдсэн. Манай шинэ жилийн арга хэмжээ хэзээ ч мартагдашгүй Сүлд модны наадам болж таны сэтгэлд хоногшин үлдэх болно.

Бүх блогчдын шинэ жилийг тэмдэглэн өнгөрүүлэх тухай

http://bloggers.blog.gogo.mn — Thu, 11 Dec 2008 11:38:45 ULAT

ас оржээ... Их хотын маань гудманд одоо л өвөл болж буй мэт цэнгэг агаарт нь шунаглан ажилдаа ирэхдээ байнга явдаг замаа алсуур тойруулан алхаж явахдаа хааяа нэг хальтран тэнцвэрээ алдахад амандаа аялж байсан дуугаа огцом чангаруулан ажил хичээлдээ яаран зөрөх хүмүүс харахад инээдтэй гэмээр дүрийг үзүүлнэ. Инээмсэглэл...

ас орохтой зэрэгцээд олон сайхан дурсамжууд сэргэн сэтгэлийг минь догдлуулж дөнгөх нь өвөлтэй холбоотой дурсамжууд дандаа сайхан байсных биз ээ. Зөөлөн илэх мэт сэвсгэр цасан нэвсийтэл дарахыг харахад хар бараанаар дүүрсэн орчлонгийнхоо хир буртагнаасаа салахыг хичээх хан хурмастын оролдлого ч юм шиг...

ас... Мандарин... Шинэ жил... Өвлийн өвгөн... Шампан дарс... Шарталт гээдайхгүй юу :P За тэр ч яахав. Уянгалуулаадхы гэж оролдсон оролдлого маань ингээд маазраагаар төгсөөд байдаг юм. Больчихъё. Өөр мундагчууд нь уянгалуулан уярааж би нь эндээ ингэсхийгээд байж байя...

Гэснээс мэдлэг боловсрол, мэдээ мэдээллээ солилцон бие биесээ дэмжиж хурцалж явдаг блог хөтлөгч бүх андуудаараа шинэ жилээ хамтдаа угтан цэнгэлдэж танилцан дотносъё хэмээн "Бүх блогчдын шинэ жил"-ийн баярын цэнгүүнийг Монголын Блогчдын Холбооноос зохион байгуулж байгаа билээ.

Уг цэнгүүн маань 2008 оны 12 сарын 20-ны өдрийн 19 цагт "Баянзүрх Худалдааны Төв"-ийн чанх хойно орших "Хан Талст" худалдааны төвийн урд корпуст байрлах "Marselle" диско клубт болох юм.

Блогчидын дунд хэлэлцүүлэг явуулж олонхийн саналаар шинэ жилийн баярыг тэмдэглэх уламжлалт арга барилыг халан босоо хүлээн авалтын хэлбэртэйгээр хийе хэмээн тохирсон бөгөөд блог хөтлөгч Саншайны санаачлагаар Багт наадам Маскарад болгоё хэмээн шийдсэн.

Төлбөр 30,000 төгрөг байх бөгөөд ГоГо сайтын дундын блогт бид зардалын тооцоог үнэн зөвөөр тайлагнах болно. Цэнгүүнийг аль болох хямд чанартай хийхийг хичээж байгаа ба илүү гарсан мөнгийг хүмүүнлэгийн үйл ажиллагаанд зориулна.

Шинэ жилд оролцох хүсэлтэй блог хөтлөгч эрхэмүүд нэрсээ сэтгэгдэлд үлдээн дээрхи утасны дугаараар холбогдоно уу.

2008.12.11 байдлаар төлбөрөө төлж бүртгүүлсэн блогчдын жагсаалтыг доор үзүүлэв.

ГоГо	Блогмн	Блогспот	Банжиг
Сторми Цүкияма Саншайн Ссайнаа Лофлоф Дэвдээхэй Анимэ Хайко Жанжка Гандирс Витаут Нэгэст ЖиТулга Үлэмж Жийгээ Сарнай Давка Zugeer l.. Цоомо	Обод Ариус Тунгаамаа Фриска Оргио Ангаахай	Дэппсү Амарсайхан Билгээ Эркардо Хархун Зараа Chepak Монгол хүн	Анжгай Гаамп Батаа123 Номад

Дээрхи төлбөр төлсөн блогчидоос гадна оролцохоор нэрсээ бүртгүүлсэн блогчид 30 орчим байгаа ба эдгээр хүмүүс төлбөрөө эртхэн төлчихвөл зохион байгуулах комиссын үйл ажиллагаан ихэд дэм болох юм гэдгийг анхаарна уу.

Төлбөрийг Дэвдээхэй хураан авч байгаа тул 99829913 дугаарын утсанд холбогдож урилгаа аваарай.

Бүх блогчдын Шинэ Жилийн Цэнгүүнд оролцох блогчдын нэрс

http://bloggers.blog.gogo.mn — Wed, 3 Dec 2008 16:21:57 ULAT

2008 оны 12 сарын 20-ны өдөр болох Бүх блогчдын шинэ жилийн баярт оролцохоор сэтгэл шулуудан төлбөрөө төлсөн блогчдын нэрсийг жагсаав.

2008.12.08 байдлаар

ГоГо

Блогмн

Блогспот

Банжиг

Сторми

Цүкияма

Ицми

Саншайн

Ссайнаа

Лофлоф

Дэвдээхэй

Анимэ

Хайко

Жанжка

Гандирс

Витаут

Нэгэст

ЖиТулга

Үлэмж

Жийгээ

Сарнай

Давка

Zugeer l...

Обод

Ариус

Тунгаамаа

Фриска

Оргио

Ангаахай

Дэппсү

Амарсайхан

Билгээ

Эркардо

Хархун

Зараа

Анжгай

Бүртгүүлэхийг хүссэн блогчид 99829913 дугаарын утсанд холбогдон Дэвдээхэй няравт мөнгөө тушаана уу :D

Бүртгүүлэх сүүлийн хугацаа 2008 оны 12 сарын 10-ны өдөр.

MASKARAD

http://bloggers.blog.gogo.mn — Thu, 27 Nov 2008 16:37:59 ULAT

БЛОГЧДЫН ШИНЭ ЖИЛИЙГ ОЛОНХИЙН САНАЛААР МАСКАРАД БОЛГОХООР ТОГТСОН БИЛЭЭ. ИЙМЭЭС ТА БҮХЭНДЭЭ ЗАРИМ НЭГ МАСКНЫ ЗАГВАРЫГ ОРУУЛЖ БАЙНА.. ЗАРИМ НЭГ БЛОГЧИД ХААНААС БАГАА АВАХЫН, ЭНД ЗАРДЫМУУ ГЭХ АСУУДЛУУД ГАРЖ БАЙВАЛ ТА БҮХЭН ГАРЫН ДООРХ МАТЕРИАЛААР ӨӨРСНӨӨ ЯАЖ Ч СЭТГЭЖ ХИЙЖ БОЛНО ШҮҮ.

ИЙМ САНТАГИЙН МАЛГАЙ ӨМСӨӨД НҮДНИЙ ШИЛ ЗҮҮЧИХЭЖ Ч БОЛНО

ГОЕ УРТ ҮСТЭЙ БҮСГҮЙЧҮҮД ҮСЭЭРЭЭ ТОГЛОЖ Ч БОЛНО

ЗАРИМ НЬ ГАДНААС ГАДААДАД БАЙДАГ АХ ЭГЧДЭЭ ЗАХИСАН Ч БОЛНО

ТОГОСНЫ ӨД АШИГЛАЖ ХИЙЖ Ч БОЛНО /ЦААСААР ХИЙГЭЭД ДЭЭР НЬ БЛЁСТК НААГААД/

ЭСВЭЛ САРИ АШИГЛАЖ НҮҮР АМАА ОРООЖ Ч БОЛНО

ЗАРИМ БЛОГИЙН НЭР НЬ АМЬТДЫН НЭРЭЭР НЭРЛЭГДСЭН БАЙДАГ, ТЙИМЭЭС ТИЙМ ДҮРСТЭЙ ХЯЛБАР ИЙМ МАСК ХИЙЖ ЗҮҮЖ БОЛНО.

ГОЕ MAKE UP ХИЙДЭГ БЛОГЧИН БҮСГҮЙЧҮҮД НҮҮРЭЭ ИНГЭЖ БУДАЖ Ч БОЛНО

ЭСВЭЛ ДУРТАЙ ХҮҮХЭЛДЭЙН КИНО БААТРУУДЫНХАА ДҮРД ХУВИРЖ Ч БОЛНО.

ЭСВЭЛ АРАБ АЛЧУУР ЗҮҮЖ ХАР ШИЛ ЗҮҮЖ Ч БОЛНО

ГАРЫН ДООРХ МАТЕРИАЛААР ХИЙЕ ГЭВЭЛ ДААВУУНЫ ДЭЛГҮҮРҮҮДЭЭР ЯНЗ БҮРИЙН ТУСЛАХ МАТЕРИАЛУУД БАЙДАГ ШҮҮ /ӨД, БЛЁСТК, ШҮР СУВД ГЭХ МЭТ/

ЁСТОЙ ДУРААРАА ХУВИРЖ БОЛНО ШҮҮ

ШИЛДЭГ ЭРЭГТЭЙ ,ЭМЭГТЭЙ 2 БАГИЙГ ШАЛГАРУУЛНА

ТА БҮХЭН МАСКАРАДДАА ИДЭВХТЭЙ ОРОЛЦОНО УУ

Конторчидоо... тэмцээний дүрэм, тавигдах шаардлага

http://bloggers.blog.gogo.mn — Thu, 30 Oct 2008 09:43:00 ULAT

Нэг багийн такс 25000₮ Нэг хүний 5000₮

Нийт Оролцох хүмүүсийн тоо одоохондоо 25 нэмэгдэх хүн байвал бүртгэлээ явуулаарай.

багууд сугалаа сугалж багаа бүрдүүлнэ... блог болгоныг төлөөлж байгаа орлцогч дээр талцана. (Зараа[Blogspot], ЗОО[Blog.mn], Цүки[Gogo], Антидот[Gogo], Амгаа[Banjig])

Тэмцээний дүрэм :

CS 1.6 дээр тоглоно.

Freeze time 5
$800
15 VS хуваана.(нэг талдаа)
C4 time - 35 сек
round time - 2.5
Buy time 15сек
Force camera 2
force chase cam 2
friendly fire 0
rate 20.000
map de_dust2
bug ашиглахгүй

Тэмцээн болох газар : Гандангийн хойд талд Од кану чатрын эсрэг талд Town Center гэсэн бичигтэй байшин байгаа тэнд 5дах өдрийн 19:00 цагаас ирнэ үү....

Өөрийн мэдээллээ dundiin@gogo.mn хаягаар илгээж бүртгүүлнэ.

Тавигдах шаардлага : 10.1-с өмнө блог хөтөлж эхэлсэн байх шаардлагатай... Энэ нь гадны хүмүүс ирж тоголхоос сэргийлж байгаа юм.

Блогчдынхоо дунд Конторын тэмцээн....

http://bloggers.blog.gogo.mn — Tue, 28 Oct 2008 11:00:00 ULAT

Блогчдын дунд Counter Strike-ийн тэмцээн зохиовол яах вэ?

Өмнө нь манай Гөү Гөү блог спортын нөхөрсөг тэмцээн зохиосон.....тэр тэмцээнээс хойш хэд хэдэн блогчдоос конторын тэмцээн зохиоё гэсэн хүсэлт ирсэн. энэ гүсэлтийн дагуу Counter Strike-ийн тэмцээн зохиовол ямар вэ... та нар юу гэж боджээна... банжиг, Блог.мн Блогспот-ооос бас баг бүрдүүлээд орж болно. та бүхэн саналаа үлдээнүү?

Нөхөрсөг тэмцээн амжилттай болж өндөрлөлөө

http://bloggers.blog.gogo.mn — Mon, 15 Sep 2008 10:59:24 ULAST

Эрхэм блогчидод энэ өдрийн мэндийг хүргэе.

Юун түрүүнд блогчидоос санаачлан, блогчид зохион байгуулсан Сагсан бөмбөг, ширээний теннисний нөхөрсөг тэмцээн амжилттай болж өндөрлөснийг дуулгахад таатай байна. Тэмцээний зорилго нь блогчид танилцан нөхөрлөх, амралтаа үр дүнтэйгээр өнгөрөөх байсан юм. Мөн бидний хэдэн блогчидын зохион байгуулсан тэмцээнийг гололгүй, ирж хурд хүч, авхаалж самбаагаа сорин оролцсон Банжиг блогчидод талархаж буйгаа илэрхийлж байна.

Юутай ч блогчин залуус маань амралтын өдрөө идэвхтэйгээр өнгөрөөж, биеийн тамирыг мандуулсан явдал хамгаас гол болохыг бид өмнө дурьдаж байсан. Үргэлж ширээний ард, компьютер ширтэн суудаг та бидний хувьд хааяа ч болов хөдөлж, биеийн чилээгээ гаргаж байх нь сайн талтай билээ. Ингээд та бүхэнд тэмцээний дүнгийн талаар товч танилцуулъя.

Сагсан бөмбөгийн тэмцээнд баг тус бүр 5-6 хүнтэйгээр, “Үлэмжийн чанар”, “Драптс”, “5 толгой”, “Боргиочид” гэсэн дөрвөн багт хуваагдан тоглолоо. Ингээд дөрвөн багаас гурван хожилтойгоор “Үлэмжийн чанар” баг хожиж, Банжиг блогчидын “Боргиочид” баг хоёрдугаар байранд орлоо. “Үлэмжийн чанар” багийн ахлагчаар Цоомоо гишүүдэд Hi Dalai, Tsahlai, Erka, 1st design, Jasmine нар байлаа. Харин “Боргиочид” багийн ахлагчаар Н.Батжаргал гишүүдээр З.Баасанжав, Б.Ууганбаяр, Н.Амгаланжаргалан, Н.Алтанцэцэг, Н.Ням-Очир нар байлаа.

бүгдээрээ зургийн аппаратанд багтдаггүй ээ кк.

"Үлэмжийн чанар" багийнхан

Багийн ахлагчид зөвлөлдөж байна.

Харин Ширээний теннисний тэмцээнд нийт 16 эрэгтэй, 7 эмэгтэй оролцсоноос эрэгтэйчүүдийн төрөлд Эрка, эмэгтэйчүүдийн төрөлд Ицми түрүүллээ.

За эдгээр нөхөд дээр гурав, дөрвөн зурагчид бас байгаа.

Ингээд эрхэм блогчид та бүхэн амралтын өдрөө үр дүнтэйгээр өнгөрүүлсэн хэмээн найдаж байна.

ТЭМЦЭЭНД ОРОЛЦОХ БЛОГГЕРУУДЫН НЭРС ХИЙГЭЭД ЗАРИМ АНХААРУУЛГА

http://bloggers.blog.gogo.mn — Fri, 12 Sep 2008 17:40:43 ULAST

За эрхэм блогчид оо. Блогчидын санаачилгаар, блогчид зохион байгуулж буй "Нөхөрсөг тэмцээн" маргааш эхлэхжийнаа. Хаана болохыг энд дарж үзээрэй.
Харин тэмцээний дүрмийн талаар энд дарж үзээрэй. Ингээд та бүхэндээ бүртгүүлсэн блоггерсын нэрсийг сонирхуулж байнаа.

Сагсны тэмцээнд орохоор бүртгүүлсэн блоггерс:
Сторми, World, Цахлай, Борооны дараа, Цоомоо, Үлэмж, Эрка, Anime, 1st, Цукияма, Mygazar, Without, Дэбдээхэй, Greenmile, МОХ, Тулах цэг, Hi Dalai, Номинка, Сүнс, Банжигаас 6 хүн ингээд нийт 25 блоггерс сагсны тэмцээнд бүртгүүлжээ.

Ширээний теннисний тэмцээнд орохоор бүртгүүлсэн блоггерс:
Ицми, Зараа, Сторми, Үлэмж, Greenmile, happytuya, Эрка, Номинка, Тулах цэг, Цоомоо, Дэбдээхэй, Менежмент, Anime, Борооны дараа, Bobo, Сүнс, Гамп, Mygazar гээд нийт 18 хүн бүртгүүлжээ.

ТЭМЦЭЭН БОЛОХ ГАЗАР: 31-Р СУРГУУЛИЙН СПОРТ ЗААЛ.

Тэмцээнийг ерөнхий зохион байгуулагч: Сторми, Гантулга /сагс/, Зараа /теннис/

Багийн гишүүд, хөгжөөн дэмжигчид 9:30 цагт цуглана.

10.00-10.30 Багийн гишүүдийг сонгох. Сагсны тэмцээн нийт 4 багтайгаар, теннисний тэмцээн хүний тоо харгалзахгүй байна.

11.00- 11.20 Тэмцээн эхлэх. Эхний хоёр баг тоглох.

11.30- 11.50 Дараагийн хоёр багийн тоглолт

12.00-12.20 Дараагийн хоёр багийн тоглолт

12.30-12.50 Дараагийн хоёр багийн тоглолт

13.00-13.20 Сүүлийн тоглолт

13.30-14.00 Завсарлага /Шагнал гардуулахад бэлтгэх/

14.00 Шагнал гардуулах

Ширээний теннисний тэмцээний цагийн хуваарь

11.00 Оролцох хүмүүсээ бүртгэх

11.30 Тэмцээн эхлэх

Анхааруулга 1: Багийн гишүүд цагаасаа хоцорч ирэх, тоглолт багийн гишүүдээс болж хугацаанаасаа ухрах зэрэгт багийн онооноос хасна. Цагтаа цуглахыг анхааруулж байна.

Анхааруулга 2: Талбайд тоглох тоглогчид зөвхөн зориулалтын гутал /кэт пүүз ч юм уу тэй/ өмсч ирэхийг анхааруулж байна.

Сагс, теннисний тэмцээний хөтөлбөр, тэмцээн зохиогдох газрын хаяг

http://bloggers.blog.gogo.mn — Thu, 11 Sep 2008 14:56:15 ULAST

Тэмцээнийг ерөнхий зохион байгуулагч: Сторми, Гантулга /сагс/, Зараа /теннис/

Багийн гишүүд, хөгжөөн дэмжигчид 9-9:30 цагийн хооронд цуглана.

11.00- 11.20 Тэмцээн эхлэх. Эхний хоёр баг тоглох.

11.30- 11.50 Дараагийн хоёр багийн тоглолт

12.00-12.20 Дараагийн хоёр багийн тоглолт

12.30-12.50 Дараагийн хоёр багийн тоглолт

13.00-13.20 Сүүлийн тоглолт

13.30-14.00 Завсарлага /Шагнал гардуулахад бэлтгэх/

14.00 Шагнал гардуулах

Ширээний теннисний тэмцээний цагийн хуваарь

11.00 Оролцох хүмүүсээ бүртгэх

11.30 Тэмцээн эхлэх

Анхааруулга: Багийн гишүүд цагаасаа хоцорч ирэх, тоглолт багийн гишүүдээс болж хугацаанаасаа ухрах зэрэгт багийн онооноос хасна.

Тэмцээн зохиогдох газар:

Тэмцээн бямба гаригт, Циркийн зүүн урд байрлах 31-р дунд сургуулийн зааланд болно. Зааланд тоглох блоггерс биеийн тамирын хувцастай ирэхийг анхааруулж байна. Хувцасгүйгээр талбайд гарахыг хориглоно.

Цэнхэр бөөрөнхийгөөр зурсан нь 31-р сургууль.

Бүртгэлийн талаарх мэдээллийг энд дарж аваарай.

Блогчдын дунд зохиох сагсан бөмбөгийн тэмцээний товч заавар, бүртгэл

http://bloggers.blog.gogo.mn — Wed, 10 Sep 2008 12:20:39 ULAST

Уг тэмцээний зорилго блогчдын чөлөөт цагийг зөв идэвхтэй, эрүүл орчинд орчинд өнгөрөөх, үерхэж нөхөрлөх, олимпизмийн үзэл санааг түгээн дэлгэрүүлэхэд оршино.

-Багууд холимог тоглогчдоос бүрдэх бөгөөд 2 эмэгтэй, 3 эрэгтэй тоглогчтой байна.
-Багийн зохион байгуулалтыг тэмцээн болох өдөр сугалаагаар зохицуулна.
-Багууд тойргоор тоглох бөгөөд оноо тэнцсэн тохиолдолд оноо тоолж эцсийн дүнг гаргана.
-Сагсан бөмбөгийн тэмцээн нь 2 үе тоглох бөгөөд 1 үеийн үргэлжлэх хугацаа 10 минут буюу нийт 20 минут үргэлжилнэ. (бохироор) Багийн алдаа 4-өөс дээш болсон үед алдаа болгонд торгуулийн шидэлт өгнө. Хувийн алдаа 5 болсон тамирчин талбайг чөлөөлнө.
-Баг нь тэмцээний нэг үе тутамд нэг удаа минутын амралт авах эрхтэй. Багууд нь ахлагчтай, өөрийн гэсэн нэртэй байна.

-Ширээний теннисний тэмцээнд оролцох тамирчидын тоо хязгааргүй. Тэмцээн болох өдөр мэдүүлэг бөглөж эрхээ авна.

Тоглолт хасагдах журмаар явагдана гэдгийг анхааруулж байна. Өөрөөр хэлбэл нэг хожигдол хүлээвэл дахин тоглохгүй. Тэмцээний нэгдсэн дүнгээр байр эзлүүлнэ.
Жич: Тамирчид зөвхөн ГоГо блоггэр байх бөгөөд шаардлагатай гэж үзвэл 1-2 өөр блогийн гишүүдийг оролцуулж болно.

Нөхөрсөг уулзалт тэмцээн энэ сарын 13-ний өдөр зохиогдоно. Эрхэм блогчид болон уншигчид та бүхнийг уг тэмцээнд идэвхийлэн оролцоно гэдэгт итгэж байна.
Тэмцээний бүртгэл эхэлж байна.
Найзуудаа аль ч тэмцээнд нь оролцох байсан доорх хүснэгтийн дагуу мэдүүлгээ бөглөөд dundiin@gogo.mn хаягаар илгээнэ үү?

Блогийн нэр	Өөрийн нэр	Хүйс	Мэйл хаяг	Утасны дугаар	Ямар тэмцээнд оролцох

Жич: Өөрийн мэдээлэлээ нуух хүсэлгүй байгаа нь сэтгэгдэлээр үлдээж болно шүү. Гол нь мэдээлэл бүрэн байх хэрэгтэй.

Тэмцээн зохиогдох газар: Циркийн зүүн урд байрлах 31-р дунд сургууль.

Биеийн тамир мандтугай.

ГОГО блоггеруудын сагс, ширээний теннисний тэмцээн болоход 5 хоног үлдлээ

http://bloggers.blog.gogo.mn — Mon, 8 Sep 2008 11:39:22 ULAST

Зиа ГОГО блогийн нэг жилийн ой болж байгаа билээ. Энэ хүрээнд бид санаачлан Баабартай хийх уулзалтыг тун амжилттай зохион байгуулсан. Харин үүний дараагийн ажил бол спортын арга хэмжээ юм.

Блогчид гэдэг дандаа залуусаар эгнээгээ бүрдүүлдэг /ер нь өөрийгөө залуу гэж боддог хүн бүр. Тиймээс залуу хүмүүс та бид нэг өдрийнхөө амралтыг тун үр бүтээлтэйгээр өнгөрүүлэх боломжийг бүрдүүлж байна. Энэ сарын 13-ны өдрийн бямба гаригт сагс, ширээний теннисний тэмцээнийг зохион байгуулж байна. Тиймээс та бүхнийг өргөнөөр ирж, тэмцээнд оролцоно уу хэмээн хүсч байна.

Хаана, хэдэн цагаас болох, тэмцээний нарийн заавар журмыг цагий нь дөхүүлж байгаад зарламз. Юутай ч бэлтгэлээ хангаж байхыг сануулж байна. Мөн хэлэх санал байвал бичиж болно. Жишээ нь багаа хэрхэн бүрдүүлэх ч гэдэг ч юм уу.

ЮУТАЙ Ч ТА БҮХНИЙГ 9 САРЫН 13-НЫ ӨДӨР САГСНЫ БОЛОН ШИРЭЭНИЙ ТЕННИСНИЙ ТЭМЦЭЭНТЭЙ БАЙХ НЬ ХЭМЭЭН ЦАГ ЗАВАА ЗОХИЦУУЛАХЫГ ХҮСЧ БАЙНА.

Блогчидын Баабартай хийсэн уулзалт амжилттай болж өнгөрлөө

http://bloggers.blog.gogo.mn — Mon, 1 Sep 2008 17:46:02 ULAST

ГОГО блогчид Баабартай уулзлаа. Уулзалт 11 цагаас гэж төлөвлөсөн ч цагаасаа бараг нэг цаг гаруйн дараа эхэлсэн юм. Түүнийг ирсний дараа бид асуулт хариултаа юун түрүүнд “Монголын блогчидын холбоо” гэдэг байгууллага байгуулаад түүнийхээ нэрийг авах гэтэл “блог” гэдэг үгийг орчуулж ир гээд байна яах вэ гэсэн “зовлонт” асуултаар эхэлсэн юм. Харин энэ асуултанд тэрээр тун хурдан бас хөгжилтэй хариулсан нь “Г У Ц” гэж хэл гэсэн хариулт байлаа. Өөрөөр хэлбэл төрийн байгууллагын ажилчид цаг үетэйгээ хөл нийлүүлэн алхаж чаддаггүй, юм мэддэггүй гээд л ярьж өгсөөн, хэхэ.

Тэгээд эрхэм блогчидод маань уулзалт ярилцлага таалагдсан гэж бодож байна. Хэрвээ хүсвэл цөмөөрөө улиралд нэг удаа хүн амьтантай уулзаж, ярьж хөөрч, санаа бодлоо солилцож байя.

Жичэд нь хэлэхэд манай блогийн уулзалтыг хүндэтгэн ирж, бидэнд тус дэм болсон блогспотын эрхэм анд Микадаа туйлаас баярлаж буйгаа илэрхийлэхэд таатай байна.

Уулзалтанд хүрэлцэн ирсэн нийт блогчид, блог уншигчиддаа баярласан талархсанаа илэрхийлж байна.